Անդրադարձ մեր ծրագրին

Զարթոնք-89 հասարակական կազմակերպությունը և Երիտասարդ լրագրողների առցանց ակումբը իրականացնում են  <<Ինձ էլ գրիչ տվեք>>  ծրագիրը`  ուղղված ՀՀ մարզերի երիտասարդների շրջանում ոչ ֆորմալ կրթության,  ՏՏ ոլորտի ու մեդիայի զարգացմանը: Այս մասին Նոյյան Տապանի հետ զրույցում տեղեկացրեց  Զարթոնք-89 հասարակական կազմակերպության <<Ինձ էլ գրիչ տվեք>> ծրագրի տնօրեն Մարիամ Սարիբեկյանը:
Ծրագրի ֆինանասական աջակիցն է Սպորտի և երիտասարդության հարցերի նախարարությունը:
Մ. Սարիբեկյանը նշեց, որ ծրագիրը ավագ դպրոցներում նախատեսում է   իրականացնել սեմինարներ և ուսուցողական դասընթացներ «մեդիա լրագրության» ոլորտում և Զարթոնք-89 ՀԿ նման սեմինարներով  արդեն իսկ հանդես է եկել  ՀՀ մարզերի որոշ քաղաքներում և գյուղերում՝ Արարատում, Արտաշատում, Աբովյանում, Հրազդանում և այլն:
<<Մեր նպատակն է ՀՀ-ի 11 մարզերում նպաստել պատանիների շրջանում լրագրողական, հետազոտական, ստեղծագործական ունակությունների բարձրացմանը տեղեկատվական տեխնոլոգիաների կիրառման միջոցով: Այսպիսով ՝ստեղծել մի կրթական միջավայր, որտեղ նոր մեդիայի տված հնարավորությունները կօգտագործվեն ի շահ երիտասարդների>>, -ասաց Մ. Սարիբեկյանը: Նա ավելացրեց, որ ծրագիրը վերաբերվում է Երևան քաղաքի և մարզերի այն երիտասարդներին, որոնք հետաքրքրված են լրագրությամբ, բայց չունեն հնարավորություն միմյանց հետ կիսելու իրենց գաղափարները, գիտելիքները և հմտությունները, ինչպես նաև չունեն հնարավորություն հանրայնացնելու մարզային հիմնախնդիրներն ու լուծման ուղիներ փնտրել:

<<Երևան և Վանաձոր քաղաքներում իրականացվելու են 2 սեմինարներ, որոնք կվարի  ՀՀ առաջատար լրագրող-բլոգեր, ՏՏ ոլորտի ներկայացուցիչ Սամվել Մարտիրոսյանը: Սեմինարի լավագույն մասնակցության հայտերը լրացնողները մասնակցելու հնարավորություն կունենան՝ ձեռք բերելով գիտելիքներ ՏՀՏ և մեդիա լրագրության ոլորտում: Սեմինարի ժամանակ կտրամադրվեն տեղեկատվություն նոր մեդիաների, տեղեկատվություն փնտրելու և տարածելու հիմքերի մասին: Ծրագիրը կնպաստի երիտասարդների հետազոտական և ստեղծագործական հմտությունների զարգացմանը, համայնքների հիմնախնդիրների բացահայտմանը և հանրայնացմանը>>,- տեղեկացրեց <<Ինձ էլ գրիչ տվեք>> ծրագրի տնօրենը և ավելացրեց, որ ակումբը բաց է լինելու բոլոր այն երիտասարդների համար, որոնք ունեն լրագրողական հմտություններ, ինչպես նաև   նախատեսվում է համագործակցություն տարբեր դպրոցներում հենց իրենց նախաձեռնությամբ ստեղծված լրագրողական ակումբների հետ:


                                                                                                      Մարինե Ստեփանյան

գործունեություն, ինձ էլ գրիչ տվեք, սեմինար,

Rate this posting:

{[['', '']]}

{["Useless", "Boring", "Need more details", "Perfect"]}