Ինձ էլ գրիչ տվե´
ք . սա այն անվանումն է, որը մենք տվեցինք մեր նոր նախագծին, այն գրելուց հետո: Իսկ մենք առցանց ակումբի երեք տնօրեններս էինք` Վիկան, Գոռը ու ես: Մենք մեր հավաստագրերը ստանալուց անմիջապես հետո ստացանք մեր առաջին հանձնարարականը` կազմել առցանց ակումբի ընդլայնման նախագիծ, որում ամփոփված կլինեին այն մտահղացումները, որոնք մենք պատրաստվում ենք իրականացնել մոտակա երկու տարվա ընթացքում: Մենք` իրարից շատ տարբեր մարդիկ, պիտի գրեինք, բայց մենք անգամ իրար չէինք ճանաչում: Բայց մի բան էր պարզ միայն. մենք ունեինք ընդհանուր նպատակ` անել լավագույնս մեր շարքերն ընդլայնելու համար ու մեր նման հազարավոր պատանիներին օգնել հասնել նրան, ինչին մենք ենք հասել: Իսկ մենք հասել ենք նրան, որ ունենք մի հարթակ, որտեղ կարող ենք գրել մեր ցանկացած միտք և րոպեներ անց կհայտնվեն մարդիկ, ովքեր պատրաստ են օգնելու և անգամ եթե չկարողանան` մեր ձայնը կլսեն հարյուրավոր մարդիկ:
Մարիամ
Rate this posting: Խոստովանեմ, որ մեր ծրագիրը մեզ հեշտ չտրվեց. մենք նույնիսկ ստիպված եղանք մի քանի օր գամվել մեր համակարգիչներին, որ այն ավարտենք: Բայց, կարծում եմ, միասնական ու լավ արդյունքի համար կարելի է անգամ շաբաթներով տանջվել:
Այսպիսով` մենք կազմեցինք մեր նախագիծը, որը հիմնականում ներառում էր տարբեր համագործակցություններ, դասընթացների ու սեմինարների կազմակերպում, ու եթե այն հաստատվի մենք խոստանում ենք, որ շատ հետաքրքիր է լինելու:
Իսկ վերնագիրը, որն ընտրեցինք, մեր միակ ու ամենահարմար առաջարկն էր: ՈՒզում եմ ասել, որ այս վերնագրով մենք ոչ մեկից ոչ խնդրում, ոչ էլ պահանջում ենք գրիչ, այլ պատրաստակամություն ենք հայտնում գրիչ տալու բոլորին ու յուրաքանչյուրին, ով ցանկանա:
Մենք պատրաստվում ենք տալ մեր պատանիներին հնարավորություն գրելու ու կարդացվելու, դառնալու լսված ու հնարավորություն բարձրացնելու խնդիրներ, որոնք մինչ այսօր չեն բարձրացվում այնպես, ինչպես մեզ է պետք:
Ձեզ հարկավոր է միայն ասել մեզ` ինձ էլ գրիչ տվե´ք, ու մենք սիրով կտանք այն:
Մարիամ
{[['', '']]}
{["Useless", "Boring", "Need more details", "Perfect"]}
No comments:
Post a Comment