Մրցույթ:Համայնքի երիտասարդների ձայնը

Զարթոնք-89 հասարակական կազմակերպությունը և Երիտասարդ լրագրողների առցանց կենտրոնը  հայտարարում են «Համայնքի երիտասարդների ձայնը  խորագրով տեսանյութերի մրցույթ ՀՀ տաս մարզերի դպրոցների համար:Ծրագիրը ֆինանսավորել է` Canada Fund for Local Initiatives-ը:

Մասնակցելու համար պետք է նկարահանել 5-7 րոպե տևողությամբ տեսանյութ, որում կներկայացվեն քաղաքի, գյուղի կամ համայնքի խնդիրները և կառաջարկվեն լուծումներ դրա համար: Տեսանյութը կարող է նկարահանված լինել ցանկացած տիպի տեսախցիկով  կամ անգամ հեռախոսով՝ կարևորը մտահղացումն է ու արծարծվող թեման: Իսկ վեր հանված խնդիրը կարող է լինել  ցանկացած բնույթի` ճանապարհների անսարքություն, աղբահանություն կամ համայնքի  անապահով ընտանիքների  խնդիրներ:

Մասնակցել կարող են ՀՀ բոլոր մարզերի, 14-18 տարեկան աշակերտների խմբեր: (Խմբում կարող են ընդգրկված լինել նաև մարզերում ապրող մինչև 18 տարեկան ուսանողներ:) Անդամները պետք է լինեն թվով 4-5-ը:

Երևանի դպրոցների աշակերտները չեն կարող մասնակցել, քանի որ մրցույթը նախատեսված է մարզերի խնդիրները վեր հանելու և դրանց լուծման ճանապարհները գտնելու համար:

Մրցույթի արդյունքում ընտրվելու է 5 տեսահոլովակ՝ տարբեր մարզերից, և այդ 5 խմբերը արժանանալու են Samsung ֆիրմայի Netbook-երի:

Տեսանյութը նկարահանելուց հետո, պետք է այն ներբեռնել youtube.com  կայք և հղումը  ուղարկել armolimp@gmail.com կամ zartonkptpi@gmail.com  էլ.  հասցեներին: Հղման հետ պարտադիր է ուղարկել նաև մասնակիցների  բնակության վայրը` մարզ, քաղաք/գյուղ, բնակության հասցե, դպրոցը, անդամների դասարանները, տարիքը, հեռախոսահամարները: 

Հղումին անպայման  պետք է կցել  ներածություն տեսահոլովակի և արծարծվող խնդրի վերաբերյալ, ինչպես նաև մի փոքր պատմել խմբի անդամներից յուրաքանչյուրի մասին:

Տեղեկացնենք նաև, որ մրցույթում հաղթելու դեպքում ընտրվելու է խմբի ղեկավար, որի հետ պայմանագիր է կնքվելու, ըստ որի խումբը  դառնալու է Երիտասարդ լրագրողների առցանց կենտրոնի տվյալ մարզի մասնաճյուղը: ԵԼԱԿ-ի  ղեկավարները անցկացնելու են լրագրությանը և մեդիահմտություններին վերաբերող առցանց դասընթացներ, իսկ խումբը մասնակցելու է կազմակերպված ծրագրերին ու  նյութեր տրամադրելու մարզի խնդիրների վերաբերյալ:

Մրցույթին մասնակցելու վերջնաժամկետը Հուլիսի 1-ն է: 

ազատ խոսք, լրագրություն, Մրցույթներ,

Rate this posting:

{[['', '']]}

{["Useless", "Boring", "Need more details", "Perfect"]}