Լիլիթ Մարգարյան: Գիրք, որը փոխեց իմ կյանքը

Ամռանը՝ գյուղում հանգստանալիս, տատիկս ինձ մի գիրք տվեց և ասաց.
<<Հեմինգուեյի գրքերից է, կարդա՛>>:
Ես նայեցի գրքին՝վերնագրված էր <<Ծերունին ու ծովը>>: Վերնագիրն անհրապույր էր. Ինձ չգրավեց, և ես մի կողմ դրեցի գիրքը:

Մի քանի օրից, չգիտես, թե ինչ պատահեց. ես վերցրի այդ գիրքն ու սկսեցի կարդալ այն: Կարծում էի, թե գիրքն անհետաքրքիր մի պատմություն պիտի լինի: Բայց, ո՜վ զարմանք, ես չէի կտրվում գրքից: Առաջին հայացքից այն թվում էր մի հասարակ պատմություն ծերունի ձկնորսի մասին: Բայց ամեն մի հաջորդ էջ ինձ կլանում էր իր ծովի նման խորություն ունեցող տողերի մեջ:
Դա զարմանահրաշ գիրք էր. Այն ինձ համար դարձավ զրուցընկեր, որի հետ, ասես, հաղորդակցվում էի: Այն ազատեց ինձ առօրյա կյանքից և ներգրավեց իր աշխարհը՝ սովորեցնելով ինձ հասկանալ իր էությունը, կյանքում ամենակարևոր բանը՝ կամքի ուժը, որով էլ առաջնորդվում էր ծերուկ Սանտյագոն: Ծերունու կամքն ու համառությունն ինձ զարմացրեց:
Ձկնորս Սանտյագոն՝ խեղճ ու միայնակ մի ծերունի, իր ճակատագիրը կապել էր ծովի հետ՝ ձկնորսության միջոցով ապահովելով իր ապրուստը: Սակայն ծովը հենց այնպես ոչինչ չէր տալիս նրան: Գոյատևման համար պետք էր երկար ու համառ աշխատանք, մեծ կամք, համբերատարություն և ուժ ու եռանդ պայքարելու համար:
Ես երկրորդ անգամ էլ կարդացի այդ գիրքը: Եվ ամեն անգամ կարդալիս ես նորովի էի ապրում ամեն տողն ու բառը: Ուզում էի անընդհատ ավելի ու ավելի խորանալ, ու կարծես ես էլ ծերուկի հետ նավակում լինեի ու նրան հավասար պայքարեի:



Զարմանալի մի զգացողություն ունեցա. ես սկսեցի զայրանալ ինքս ինձ վրա:
Այսքան փոքր տարիքիս ես ոչ մի գործ ավարտին չեմ հասցնում, թողնում եմ կիսատ՝ տարբեր պատճառներ հնարելով, ինքս իմ առջև արդարանալով: Միշտ կիսատ եմ թողել սկսածս գործը՝ խոստանալով ավարտին հասցնել: Կարծում էի, թե նպատակասլաց եմ, սակայն նպատակասլաց լինելու համար պետք է նաև կամքի ուժ ունենալ, որպեսզի կարողանաս հասնել նպատակիդ: Քանի՜ գիրք եմ վերցրել կարդալու և կիսատ թողել:
Ես ինչպիսի՜ հիացմունքով էի լցվել ծերունու հանդեպ : Նա շատ փորձությունների միջով է անցնում, բայց երբեք չի ընճվում և հուսահատվում:Ծերունի Սանտյագոն մեծ կենսափորձ ուներ և իր նպատակին հասնելու համար հաղթահարում է կյանքի այնքա՜ն մեծ դժվարությունները:  
Սանտյագոն նպատակասլաց է, համառ, ուժեղ և մեծ կամքի ուժի տեր: Նա իր առջև մեծ նպատակ էր դրել և անգամ մահվան գնով կենաց և մահու կռիվ տալով՝ հասավ դրան: Սանտյագոն հենց այն կերպարն է, ում ես շատ կցանկանայի նմանվել:
<<Ծերունին ու ծովը>> գրքում ինձ ամենից շատ զարմացրեց ու հիացրեց այն, որ իր համառ աշխատանքի, պայքարի ընթացքում ոչ մի վայրկյան նրա մտքով անգամ չանցավ, նա ոչ մի պահ չմտածեց հետ կանգնելու, հանձնվելու մասին: Նա մտածում էր միայն առաջ գնալու, պայքարելու և ուզածին հասնելու մասին: Ինձ համար նրա բնավորության այդ գիծն ամենաբարձրն է: Ցավոք, որևէ պահի դժվարանալիս առաջին հերթին ես մտածում եմ նահանջելու, հետ կանգնելու մասին: Բայց կարդալով այդ գիրքը՝ այն ինձ սովորեցրեց նաև երբեք հետ չկանգնել որոշումից:
Ծերունու արաքը ուսուցանում է ոչ թե ամեն կերպ պայքարել թե՛ լավ, թե՛ վատ նպատակի համար, այլ հասնել միայն բարի ու լավ նպատակին, քանի որ ծերունին բարի ու դրական կերպար է:
Այս գիրքն ինձ շատ բան տվեց և շատ բան փոխեց իմ կյանքում, այն սովորեցրեց ինձ ճիշտ ապրելու բանաձևը: Ծերունու վարքն ու արարքներն ինձ միշտ կյանքում ուղեցույց կլինեն և կօգնեն գտնել իմ դերը կյանքում: Ծերունու կերպարն ինձ համար իդեալ է՝ իր թերություններով ու առավելություններով, լավ ու վատ կողմերով:
Ես շատ գրքեր եմ կարդացել, բայց այն, ինչ տվեց ինձ <<Ծերունին ու ծովը>> գիրքը, ոչ մի գիրք չի տվել: Իհարկե այն իմ ամենասիրելի գիրքը չէ, բայց մինչ օրս կարդացած գրքերից ամենաուսուցանողն է, որը սովորեցրեց ինձ ապրել: Կարելի է ասել, որ Հեմինգուեյն ու ծերուկն ինձ սովորեցրին ապրել:
Ինչպես բոլոր մարդիկ, ես ել դեռ սովորելու շատ բան ունեմ կյանքում և հուսով եմ, որ նոր գրքեր կարդալիս դրանք նույնպես որոշ չափով  կփոխեն իմ կյանքն ու կսովորեցնեն ինձ ճիշտ ապրել:
Թո՛ղ որ գրքերը լինեն իմ միակ դաստիարակները: Համոզված եմ, որ նրանք ինձ ճիշտ ուղով կտանեն:
Ես առաց վարանման կարող եմ ասել, որ այն գիրքը, որը սովորեցրեց ինձ ապրել, Հեմինգուեյի <<Ծերունին ու ծովը>> գիրքն է:
Ես շատ եմ փոխվել: Փորձում եմ սովորել, երբեք չընկճվել:
Ես հույս ունեմ, որ այս գիրքը փարոսի նման ինձ լույս և ուժ կտա իմ ամբողջ կյանքի ընթացքում ավելի պատասխանատու պահերին: Այն կօգնի ինձ կյանքում լինել ավելի ուժեղ, հնարամիտ և նպատակասլաց: Ծերունու կամքի ուժը, ոգու արիությունը, դժվարություններից չընկճվելը ուսանելի կլինեն ինձ նաև ապագայում:
Այս գրքից ես հասկացա,որ ինչպես ծովը հենց այնպես ոչինչ չի տալիս ծերունուն,այնպես էլ կյանքում մարդը ոչնչի չի հասնում, եթե չի մաքառում ու պայքարում, պայքարում մինչև վերջ:
Ընթերցե՛ք այս գիրքը: Միգու՞ցե այն փոխի նաև Ձեր կյանքը:

Թիվ 97 ավագ դպրոց.
 10-րդ  դասարան.

Մարգարյան Լիլիթ.
Նյութը խմբագրված չէ.

արտասահմանյան գրականություն, Գիրքը, ՇԱՐԱԴՐՈՒԹՅՈՒՆ,

Rate this posting:

{[['', '']]}

{["Useless", "Boring", "Need more details", "Perfect"]}