Կարդացի և... մեկնաբանեցի

Կարդացի և... և վերջ: Մրցույթի վերջնաժամկետն էլ անցավ:

Մի քանի բառ ավելի, մի քանի բառ պակաս, մի օր ուշ, մի օր շուտ ուղարկված. բոլոր ստեղծագործությունները տեղադրվեցին բլոգում:

(Չեն տեղադրվել միայն անանուն ստեղծագործությունները, որոնք սակայն անպայման կտեղադրվեն բլոգում՝ հեղինակի տվյալները ճշտելուց հետո:)

Թվով մոտ 130 ստեղծագործություն՝ ուղարկված Երևանից, ՀՀ տարբեր մարզերից, ինչպես նաև Արցախից, սպասում են քննարկումների, քննադատությունների և հաղթանակի հույս փայփայում:
Ի դեպ, բլոգում տեղադրված շարադրությունները խմբագրված չեն:

Հիշեցնենք, որ հաղթողներին (1-ին՝ էլեկտրոնային գիրք, 2-րդ և 3-րդ մրցանակներ) որոշելու են պրոֆեսսիոնալ ժյուրին և Երիտասարդ Լրագրողների Առցանց Ակումբի անդամները, իսկ առավելագույն դիտումների և մեկնաբանությունների արժանացած նյութը խրախուսական մրցանակ է ստանալու:

Ավելացնենք, որ նույն IP-ից կամ անանուն (anonymous) մեկնաբանությունները հաշվի չեն առնվելու:

Մրցույթի ամփոփումը տեղի կունենա մարտ ամսի կեսերին՝ Երևանում:

Կազմակերպիչների անունից մեծ շնորհակալություն եմ հայտնում մասնակցության համար և խորապես ուրախ եմ, որ այսքան շատ են ընթերցասեր և ակտիվ պատանիները:

Եթե դուք շարադրություն եք ուղարկել, որը հիմա տեղադրված չէ մեր բլոգում, խնդրում եմ անհապաղ կապնվեք մեզ հետ:

Ցանկացած հարցերի դեպքում գրեք մեզ armolimp@gmail.com հասցեին կամ մեկնաբանության տեսքով հայտնեք այս նյութի տակ:

Առցանց ակումբի փոխտնօրեն ՝ Ռուբինա Դավթյան ( ՌՈՒԲԻ  )

առցանց ակումբ, Կարդացի և, Մրցույթներ, նյութեր,

Rate this posting:

{[['', '']]}

{["Useless", "Boring", "Need more details", "Perfect"]}